Moi boa tarde miñas queridas lectoras e lectores!! 

O martes fixemos a derradeira reunión do club de lectura deste ano.😢

    Coma sempre por unha parte estamos cheas de ledicia por este ano tan estupendo que tivemos, polas lecturas compartidas, polo compañerismo e bo ambente  que tivemos nas xuntanzas, por ese interese e disfrute coa lectura que puidemos apreciar nas diferentes actividades...,  pero por outra banda... Por outra banda sempre temos que despedir ao alumnado de 6º que se nos marcha para empezar unha nova andaina no instituto e, fixándonos ben,  é que si, fánsenos maiores. Eu estou moi contenta de poder ter compartido con todas e todos eles eses momentos, por ver como van crecendo e espero que a vida lles sexa xenerosa, teñan moita sorte e que todas esas ilusións e intereses sexan feitos realidade.

    Non marcho sen deixar unhas últimas fotografías desa última xuntanza de lectura compartindo almorzo e lecturas cheas de beleza e adicándolle ese derradeiro libro : pés descalzos, Un libro que fala de disfrutar, de apreciar o sinxelo e o bello, pero facéndoo amodiño, sen présa, sentindo, cos pés descalzos, sen gaiola ningunha...

E rematamos,  como non podía ser menos, entregándolles un pequeno agasallo como lembranza do noso club esperando que lles fixera tanta ilusión a elas e eles recibilo como a nos facelo expresamente para todas e todos.

 

 

Mil bicos con todo o noso cariño e ata sempre miñas queridas lectoras e lectores, xa vós estamos botando de menos.

 

 

 

💝💝💝😘😘😘😘😘😘💝💝💝

 

🙋 

 

 

Moi boa tarde.

    Xa sei que fai moi pouquiño tempo tivemos unha xuntanza, pero ao noso alumnado non lle importaría ter unha por semana se cadrase do que lles gusta ler e eu, encantadísima con estas ganas de  compartir e debatir diferentes puntos de vista das nosas queridas e queridos lectores.

Hoxe compartimos a lectura de  PALABRAS DE CARAMELO un precioso libro

 escrito por GONZALO MOURE e

                                    ilustrado por FERNANDO MARTÍN GODOY.

    Kori é o neno protagonista deste volume que vive nun campo de refuxiados saharauis. Gosta dos animais en especial de Caramelo, un camelo cor canela ao que ve nacer e co que entraña unha relación moi especial. Tamén disfruta moito da escola, lugar especial para el xa que poden aprendelo a ler e escribir. Cando por fin é capaz de facelo é cando é consegue plasmar nun papel as súas emocións, especialmente as que xurden da relación co seu querido amigo.  

    LIbro tremendamente emotivo e cunha lectura chea de emocións e sentimentos no que tratamos e debatimos sobre diferentes temas : compromiso con pobos e costumes diferentes, valor das palabras, importancia da poesía, fidelidade entre amigos, visibilidade do silencio, aceptación da realidade, paso ao mundo dos adultos, superación de limitacións... un xeito moi doce de participar e debatir aportando diferentes ideas que podemos entreler nas liñas deste texto e atopadas nos diferentes caramelos que, por certo, coméronse rapidamente😂😂, un bo postre despois do xantar compartido.

 

 Posteriormente limos entre todas e todos outro pequeno-gran libro : UN MAPA PARA PARA PALESTINA escrito por MAYSA ODEH e ilustrado dun xeito magnífico por ALIAA BETAWI. Un libro para aprender a existencia dos pobos sen terra,  tal e como lle sucede ao pobo SAHARAUI. un libro onde se nos conta a historia autobiográfica da familia materna da autora para entender as identidades de diferentes pobos que quedaron sen situación nos mapas, pero que existen e son reais.

    Realmente disfrutaron con esta lectura sinxela, pero que nos fala de realidades moi actuais.

Todo un placer escoitalos. 

 

   

Moitas grazas por compartir esta tarde tan especial e por deixarnos esta preciosa historia

  

  Moi boa tarde!!

     O domingo, como xa sabedes, estivemos de  festa, a festa das nosas queridísimas letras galegas e nós, no club, tivemos un encontro moi, moi especial o luns no Centro de Día de O Porto do Son coas nosas queridísimas usuarias e usuarios de dito centro e, coma sempre, moi ben recibidas por Nerea, persoa de enlace que sempre nos recibe coa toda atención do mundo.

    Que queredes que vos diga, sempre un pracer poder poñer en común algunha lectura e poder facer algunha actividade nese tan querido lugar para todas nós. E que mais podo dicir que non saibades, todo o mundo encantador coa nosa visita, participativos, alegres e con tantas ganas de recibir ás nosas queridas lectoras e lectores que non nos cansamos de acodir todos os anos para realizar algunha actividade conxunto, moito lle gusta á cativada acUdir a ista cita imprescindible para todas.

    Esta vez leímos para todas e todos OS FÍOS DE BEGOÑA unha biografía sinxela pero bonita desta grande autora, activista e comunicadora coa que celebramos esta festa tan importante para toda a cultura galega.

 

 

 

 

 

 

            

Como xa dixen, todas e todos atentísimos á lectura e animando sempre a todas as lectoras e lectores nesta parte da actividade. Posteriormente fixemos unha actividade moi bonita: titulada :

 " PALABRAS CON MEMORIA TECIDAS COS FÍOS DE BEGOÑA".

    Entre todas e todos, pensaron palabras que lles gustaban o significaban algo importante para elas e eles, escribíannas nunha cartollina e logo tecían con lá uns bordes par adornar ditas marabillosas palabras do noso idioma e que teñen un significado especial para cada un de nOs. 

Uns momentos retidos, para nós, nestas fotografías tan bonitas

    

        

    Finalmente quedaron expostos os traballos na biblioteca do noso centro con todas e todos os participantes na actividade.

 

 

  MOITAS GRAZAS POR ESTE DÍA E

ATA A PROXÍMA XUNTANZA🙋 

 Moi bo día!

    Onte acudín ás XVIII xornadas de clubs de lectura e, coma sempre, foi un pracer escoitar a tanta xente interesada en transmitir o seu bo facer neste campo. 

               Xuntámonos moitas e moitos docentes que levan os clubs de lectura dos seus centros. Foron moi interesantes as experiencias que compartimos e o xeito de traballar tan diferente, moitas veces, pero sempre enriquecedor para o alumnado. Podemos tamén recoller ideas de libros apropiados para o noso club (ideas novas sempre son ben recibidas).  Non podemos esquecer aos relatores, con tanta experiencia neste campo da lectura, que aportan diferentes puntos de vista e axudan de xeito importante na nosa formación.      

    Mentres tanto, tamén no cole, seguimos formándonos con novas lecturas que nos axudan a profundizar neste tema para sacar o máximo partido das diferentes actividades co alumnado xa que nós, tamén sempre temos moito que aprender para poder transmitir despois.

Ata o proximo curso. Sempre iremos a estas xornadas con ilusión e ganas de aprender.

Moitas grazas.

 Moi boa tarde!!!

Hoxe é un día especial para todas as lectoras e lectores,

 o Día do LIBRO.

 

    Na nosa biblioteca estabamos moi ocupadas e ocupados con moitas actividades estupendas, pero dende o club fixemos un pequeno recuncho dos nosos libros para poder ler un pouquiño máis adiante co alumnado dos primeiros cursos, actividade que facemos todos os anos e que a eles sempre lles gusta.  

                                                                                

 

    Como podedes ver os títulos son xeniales:  A Panadeira,  A pés descalzos, A marfallada toda, Maios e Desmaios, Grandes e pequenas... Algúns complementan lecturas do club como Mapa para Palestina, que usaremos cando leamos Palabras de Caramelo e que fala dos pobos que quedaron sen terra que atopar nun mapa como, neste caso, o pobo saharagüi ou o palestino, do que fala o libro. Outros serán lecturas do ano próximo, pero antes hai que facer unha proba de lectura cando non se leron aínda, como Alén e o dragón. Chimpate Pepa e o de Antón... e os faros, continúan a nosa achega, que xa empezou o ano pasado, falando das nosas illas galegas.

 

    En fin, sempre intentando realizar lecturas sinxelas en aparencia, pero que nos toca o corazón dalgún xeito.

 

Esperamos que teñan moito éxito e a nosa cativada toda disfrute coma nunca.

FELIZ DÍA DO LIBRO!!!  

 

 

 Bo día!!

     Hoxe deíxovos por aquí o trailer oficial da película baseada no libro : palabras de caramelo, seguro que vos entran ganas de poder vela despois de ler o libro, sempre despois do libro, iso é moooooi importante!. 

  

 

Como vedes é interesantísimo o título que nos ocupa este mes e, que espero, desfrotedes coma min, de feito, é un dos meus libros preferidos.

Ata a próxima🙋 

 Moi boa tarde!. 

    Mira que o pasamos ben onte xogando coa proposta lectora deste mes , un libro-xogo de LEDICIA COSTAS e o guionista LUISMI PÉREZ,

ilustrado, coma sempre magnificamente, por BEA GREGORES : 

BRUXAS E DRAGÓNS 

    Un libro no que podes elixir a túa propia aventura segundo vaias lendo e elixindo as opcións que ti consideres máis apropiadas para poder formar o teu propio fío narrativo. Nesta historia disfrutamos moito coas diferentes opcións que se nos ofrecían e conseguimos rematar distintas historias que nos deixaron con moitas ganas de mais. 

   

Tamén atopamos nos andeis da biblioteca montonciños de cinza que nos deixaron realmente preocupadas e preocupados, se queredes saber a razón teredes que ler este título , non queda outra, de feito non vos lembrou un pouquiño á HISTORIA INTERMINABLE ou PETER PAN nalgúns aspectos? 

    Iste foi tema de conversa interesante nas nosas reunións.

Déixovos por aquí algunha foto do alumnado participando nos xogos do libro : 

                                  

            Despois de pasalo tan ben, esperamos con mooooitas ganas o segundo volume para poder seguir

                                         xogando e lendo 

                                                     ABUR e..... ata a proxíma reunión😊

Moi boa tarde miñas queridas lectoras e lectores.

Hoxe é o día da BANDA DESEÑADA.  

    Como saberedes, o noso club, xa fai uns anos, fixo unha aposta moi importante neste campo, lecturas tan boas recibidas por parte das nosas lectoras e lectores, e que logo ampliouse un chiquiño máis cun recuncho propio na biblioteca. 

    Nós fixemos a nosa pequena aportación cos nosos títulos do club para que todas e todos os usuarios da biblioteca puideran ler.

    Os títulos son magníficos e hasta temos o noso propio da Raíña Lupa.😉

    No recreo unha moi boa parte do alumnado estivo a disfrutar das lecturas, un día estupendo para ler e compartir lecturas entre todas e todos. Nunca nos cansaremos de celebrar este día e disfrutar das xeniais ilustradoras e ilustradores que temos traballando neste campo. 

Disfrutade e...Ata o ano próximo!!!

Seguro que aparecen novos libros na nosa estantería deste xénero 👏👏👏

 Moi boa tarde miñas queridas lectoras e lectores. Hoxe estivemos a construir un edificio cunha arquitectura contemporanea especial para falar dun libro absolutamente precioso e que nos deixou unha profunda pegada. 

     Milú e o edificio das persoas extraordinarias escrito por ABEL TOMÉ 

 e ilustrado de xeito acertadísimo por LAURA ROMERO.

    A protagonista é Milú que vive coa súa nai na cidade de Parisia, no edificio Les Marginaux, onde todos as nenas e nenos que o habitan posúen un don que os fai extraordinarios. O don de Milú é construír soños, casi nada. Coa escusa de que o edificio está estartelado, as autoridades mandan un aviso para que se desaloxen as vivendas canto antes. Pero Milú e as súas amigas e amigos teñen un plan para tentar evitar que os expulsen dos seus fogares. 

    Como vedes o tema é de rabiosa actualidade e o alumnado viuno dende o principio de xeito claro cun debate moi interesante tratando temas como a intolerancia aos migrantes que estamos a vivir hoxe en día preto de nós.

    É un libro onde a  tenrura, a audacia, o humor... convirten algo que parecía non ter solución en esperanza afrontando a tráxica realidade que padecen a diario multitude de persoas, vítimas das grandes desigualdades do mundo e que forma o eixo da trama do libro.

   Despois de facer un estudo deses dons extraordinarios no libro, nós tamén sacamos os nosos facendo un cartel estupendísimo das nosas e nosos compoñentes do club de lectura do cole

 

   Un placer traballar con este grupo sempre. 

Aquí vos deixo ata a próxima xuntanza con outro estupendo libro cheo de xogo e lectura, aventura e un montón de novos retos. Non digo máis...🙊

Todo o meu cariño💗 

 Moi bo día!!

   Hoxe tivemos a nosa xuntanza para falar da historia de Alicia Borrás 

             A HISTORIA DE BRAVA PANADEIRA,  

coas estupendísimas ilustrcións de Blanca Vila. Obra xa presentada no Nadal.

      

    

    Esta obra nos fala dunha preciosa cadela, de refuxio, BRAVA,  que despois de ser atopada na rúa, aparentamente sin dona ou dono,  é adoptada por Lira e os fillos Alba e Xullo despois de que se produza un auténtico💘 entre o cativo e Brava que, sin pensalo nin un chisquín, lámbelle o nariz mentras menea o rabo con toda a ilusión do mundo.

   As nenas e nenos falaron do defecto de Brava : sair detrás de toooooodas as furgonetas que reparten pan xa que rouba este preciado alimento despois de uliscalo co seu potentoso olfacto de cadela panadeira.😎

    Neste libro falamos de moitos temas que nos foron xurdindo coa lectura da obra como as diferenzas nas persoas ao ver coma Xullo, protagonista da obra, sufre "síndrome de Asperger". A lectura axuda a comprender algunhas das características destas persoas e nos anima a respetar despois de entender as súas respostas ante diferentes situacións. 

    Tamén nos fixamos nos refuxios de animais, a importancia das adopcións deles e o ben que nos podemos facer mutuamente ditas adopcións. De feito isto nos levou a tratar os temas dos carteis e a facer os nosos propios para concienciar sobre a importancia das protectoras e de non mercar sempre animais de compañía, se non que hai outras opcións que ofrecen estas entidades.

      

 

 e quedaron.... bueno, quedaron incribles, pero de verdade, e se non, xuzgade vos mesmos:

                             Imos ter que rematar dando un premio de ilustracións😂😂😂.

 

Despois de rematar os traballos despedímonos ata a próxima xuntanza xa a primeiros de Marzo.

Mil grazas e... ata a próxima miñas queridas lectoras e lectores.🙋